NASA-nın göndərdiyi "Maven" Marsa çatdı

NASA-ya aid Maven kosmik vasitəsi təxminən on ay sürən 711 milyon kilometrlik səfərin sonunda Marsa çatıb.

Ölkə.Az dünya mətbuatına istinadən xəbər verir ki, NASA "Mars Atmosphere and volatile Evolution - Maven" robot kosmik vasitəsinin Qırmızı planetin orbitinə müvəffəqiyyətlə girdiyini açıqladı. 

NASA Elm Araşdırmaları mərkəzinin başçısı Con Qrunsfeld "İnanılmaz bir ana şahidlik etdik" deyərək keçirdiyi həyəcanı dilə gətirib. Mütəxəssislər altı həftə boyunca Mavenin hərəkətini nizamlamağa çalışacaq. 

NASA-nın Marsa göndərdiyi kosmik vasitə az sonra Marsın üst atmosferini araşdırmaya başlayacaq. 671 milyon dollarlıq kosmik vasitə araşdırmalarını Qırmızı Planetə enmədən orbitdən edəcək və bir il boyunca məlumatları toplayacaq. 

Bu planetin atmosferi çox seyrəkdir və onun təzyiqi yer atmosferi təzyiqindən 100 dəfə azdır. Marsda atmosferin varlığı onun səthindəki kraterlərin kəskin formalarını hamarlayır. Vaxtılə Marsda olduqca nəhəng, çoxdan sönmüş bir neçə vulkan aşkar edilib.

Xatırladaq ki, 2011-ci ildə tanınmış amerikalı tədqiqatçı və "virtual" arxeoloq Cozef Skipper Mars planetindən gələn fotoşəkillərlə əlaqədar yeni bir çaşdırıcı iddia irəli sürmüşdür. O, Mars fotoşəkillərdən birində qatar reysləri, qatar stansiyası və dəmiryolu üzərində vaqon təsviri verən bir görüntü müəyyənləşdirərək bum yaratmışdı.

Rəşid Mustafazadə

Ölkə.Az