Bu ölkələrdə qadın olmaq çox çətindir

Qarşıdan 8 mart – Qadınlar günü gəlir. Bəzi ölkələrdə qadın kimi dünyaya gəlmək xoşbəxtlikdirsə, bəzilərində isə qadınları heç də yaxşı həyat gözləmir. Özəlliklə, müsəlman ölkələrinin böyük əksəriyyətində qadınların hüquqları məhduddur.

Qadın olmağın çətin olduğu 15 ölkəni təqdim edir.

Misir
Misirdəki qadınların 99.3 faizi seksual təcavüzə məruz qalır. 91 faiz qadın isə sünnət edilir. Siyasətdə isə qadınların fəaliyyəti sıfıra bərabərdir. 

İraq
İraq parlamentində qadın millət vəkili yoxdur. Bundan başqa iraqlı qadın pasport almaq istəyərsə, ərinin, evli deyilsə atasının, qardaşının icazə verməsinə dair sənəd aparmalıdır.

Səudiyyə Ərəbistanı
Burda qadınların avtomobil idarə etməsinə qanun icazə vermir. Qadağanı pozan qadınlar həbsə atılır. Bu ölkədə təcavüz qadın üçün “zina” sayıla bilər.

Suriya
Bu ölkədə rəsmi olaraq qızlar 17 yaşında ərə gedə bilər. Amma Türkiyədəki bir qaçqın düşərgəsində 12 yaşlı qızı ərə vermək istəyirmişlər.

Yəmən
Bu ölkədə qızların sadəcə 53 faizi orta məktəbə göndərilir. Hər min qadından ikisi doğuş zamanı həyatını itirir.

Sudan
Burda rəsmi olaraq qızlar 10 yaşında evlənə bilərlər. Orta hesabla hər 30 qadından 1-i hamilə olarkən ölür. Min qadından yeddisi doğarkən həyatını itirir. 

Livan
Livan qaydalarına görə təcavüz edən adam, təcavüzə məruz qalan qadınla evlənmək haqqına malikdir. Qeyri-qanuni abort etdirən qadın 7 il həbsə məhkumdur.

Fələstin
Fələstində savadlı qadınlar 92,6 faiz olsa da, sadəcə 17 faiz qadın işləyə bilir. Qadınlar üçün evlənmə yaşı 15-17 yaşdır. 

Somali
2012-ci il statistikasına görə, doğuş zamanı ən çox ölüm bu ölkədə yaşanmışdı. Bir hesabatda isə göstərilirdi ki, Somalidəki düşərgələrdə 1200 qadın təcavüzə məruz qalıb.

Cibuti
Bu ölkədə seksual zorakılıqla bağlı qanun yoxdur. Qadınların 93 faizi qadın sünnətinə məruz qalır.

Bəhreyn
Bəhreyndə qadınların 33 faizi ailədaxili işgəncəyə məruz qalmaqdadır. Bu ölkədə 2 qadının şahidliyi bir kişinin şahidliyi ilə eynidir.

BƏƏ
Birləşmiş Ərəb Əmirliklərində nikahdan kənar uşaq doğmağın cəzası – həbsdir. Və müsəlman olmayan kişi ilə evlənmək də qanunla qadağandır.

Mərakeş
Bu ölkənin qanunları qadınlara ərindən ayrılmağı qadağan edir. 15-49 yaş arası qadınların 44 faizi oxuyub yazmağı bacarmırlar. Ölkədə ailələrin 10 faizini erkən yaşda nikahlar təşkil edir.

Qətər
Qətərdə qadınların sürücülük vəsiqəsi ala bilməyi üçün ərlərinin rəsmi icazəsi olmalıdır.

İordaniya
İordaniyalı qadın xarici kişiyə ərəd gedəndə avtomatik olaraq vətəndaşlıqdan çıxarılır. Ölkədəki daşınmaz əmlakın ancaq 17 faizi qadınlara aiddir./axsam.az/

Ölkə.az