Sumqayıtda şok əməlliyat

Dünən gecə saatlarında Sumqayıt şəhər 9-cu mikrorayon, dom 23 adlanan ərazidə şok əməliyyat keçirilib.

Ölkə.az-a daxil olan məlumata görə, sözügedən ərazidə radikal dini qurupun fəalları həbs edilərək saxlanılıblar.

Mənbə bildirir ki, dünən gecədən etibarən Sumqayıt şəhər polis idarəsinin əməkdaşlarının keçirdiyi əməliyyatda şübhəli maşınlar da saxlanılıb.

Hadisənin detalları bəlli olmasa da, polislərin şübhəli gördükləri şəxsləri saxlayaraq polis bölməsinə apardığı haqda xəbərlər yayılmaqdadır.

Saxlanılanların sayı haqqında dəqiq informasiya verilməsə də, mənbə hazırda 10-a yaxın adamın polis idarəsində olduğunu bildirir. Məlumata görə, saxlanılanlar arasında qadınlar da var.

Həyata keçirilən əməliyyatla bağlı Sumqayıt şəhər polis idarəsi ilə əlaqə saxlasaq da, idarədən sualımızı cavablandıran olmadı.

Qeyd edək ki, hazırda baş verən hadisəni dəqiqləşdiririk və hadisələrin gedişi barədə sizə daha geniş məlumat verəcəyik.

Ölkə.az