Çexiya öz torpaqlarını Polşaya verəcək

Çexiya Polşaya ərazisinin 368 ha sahəsini verəcəyini təsdiq edib.

Ölkə.Az "RİA Novosti" agentliyinə istinadən xəbər verir ki, Çexiya Polşaya ərazisinin 368 ha sahəsini verəcək. Bu barədə Çexiya respublikasının XİN nümayəndəsi Qanu Malu məlumat verib.

O bildirib ki, Çexiya Polşaya bu əraziləri verməklə 1958-ci ildə yaranmış borcu qaytarır. O dövrdə Varşava müqaviləsi üzrə müttəfiq olan ölkələr sərhəd trasını qorumaq məqsədilə onun asanlaşdırılması barədə razılıq əldə ediblər.

Qeyd olunur ki, 2014-cü ilin noyabrında Varşavaya mübadilə üçün nəzərdə tutulmuş sahələrin siyahısı verilmişdi. Hal-hazırda Çexiya Polşadan cavab gözləyir.

Bir müddət öncə Çexiyanın Polşaya mübahisəli Bogemiya və Moraviya ərazilərini verə biləcəyi barədə məlumat yayılmışdı.

Rəşid Mustafazadə

Ölkə.Az