UEFA-dan Əliyar Ağayevə növbəti təyinat
Azərbaycanın FİFA referisi Əliyar Ağayev UEFA-dan növbəti təyinat alıb.
"Ölkə.Az" AFFA-nın saytına istinadən xəbər verir ki, Ağayev "Avro-2020"nin seçmə mərhələsi keçiriləcək Malta – Norveç oyununu idarə edəcək. Ona yan xətdə Zeynal Zeynalov və Akif Əmirəli kömək edəcək. Dördüncü hakim funksiyasını Rauf Cabarov yerinə yetirəcək.
Qeyd edək ki, oyun noyabrın 18-də Ta Qalidəki Milli stadionda olacaq.
