“Azərbaycanla birgə görəcəyimiz çox iş var”
Bu sözləri Türkiyənin səhiyyə naziri Mehmet Müezzinoğlu deyib.
“Azərbaycanla tibb sahəsindəki əməkdaşlığı nə dərəcədə inkişaf etdirə bilmisiniz?” sualını cavablandıran nazir bildirib ki, əməkdaşlığın daha da dərinləşməsi üçün lazım olan hər şey ediləcək.
“Hər şeydən əvvəl ölkə başçılarımız arasındakı münasibətlərin ən yüksək səviyyədə olduğunu vurğulamalıyam. Hörmətli prezidentlərin nümayiş etdirdikləri siyasi iradə nəticəsində münasibətlərimiz enerji, turizm, ticarət, iqtisadiyyat sahələrində uğurla inkişaf edir. Biz də azərbaycanlı nazir həmkarımla əməkdaşlığı daha da dərinləşdirmək üçün əlimizdən gələn hər şeyi edirik. Bunu xüsusi qeyd etmək istəyirəm ki, iki qardaş ölkə arasındakı münasibətləri daha da dərinləşdirmək üçün birgə görəcəyimiz çox iş var”.
Ölkə.Az
