Məşhur musiqiçinin yeni sirləri ortaya çıxdı
Nirvana qrupunun əfsanəvi solisti Kurt Kobeyn haqda çəkilən sənədli film onun bəzi sirlərini ortaya çıxarıb.
“Cobain: Montage of Heck” adlı sənədli filmdə 1994-cü ildə intihar etmiş məşhur musiqiçinin həyat yoldaşı və ailəsi də iştirak edir.
Sənədli filmdə K.Kobeyninin ömrünün axırına kimi narkotik asılılığından əziyyət çəkdiyi və narkotik istifədəsinə yeniyetməlik çağlarından başladığı göstərilir. Onun intihar səbəbinin heç də “məşhurluğa dözə bilməməsi” olmadığı da deyilir.
Filmdə Kurtun indiyə kimi bəlli olmayan video fraqmentlər də yer alıb. Fraqmentlərdən birində Kobeyn qızını çimizdirir və kameraya dönərək indi çox xoşbəxt olduğunu deyir. Kobeyn intihar edəndə, qızı cəmi 19 aylıq idi.
Filmdə həmçinin Nirvana solistinin ilk intihar cəhdinin 1991-ci ildə deyil, orta məktəbdə oxuyarkən olduğu göstərilib./asam.az/
Ölkə.az
