“Neftçi” “İnter”ə, “Qarabağ” “Xəzər Lənkəran”a qarşı

Bu gün Topaz Premyer Liqasında XXV tura start veriləcək.

Eyni gündə keçiriləcək tur İsmət Qayıbov adına Bakıxanov qəsəbə stadionunda başlayacaq.

 Belə ki, mərkəzi oyunda “Neftçi” “İnter”i qəbul edəcək. Çempionluq uğrunda mübarizə aparan komandaların duelində “ağ-yaşıllar” qalib gələrsə, 2-ci pilləyə yüksələcək. İlk 2 görüşdə rəqibinə uduzmayan “bankirlər” yenə Arif Əsədovun komandasını məğlub etmək niyyətindədi.

 AZAL doğma divarlar arasında autsayder “Bakı”nı sınağa çəkəcək. Yaxşı günlərini yaşamayan “zolaqlılar” “təyyarəçilər” üzərində növbəti qalibiyyətinə sevinmək arzusundadı. Son 3 görüşdü heç-heçə edən Tərlan Əhmədovun yetirmələri qələbəsiz oyunlar seriyasına son qoymaq istəyir.

Qış fasiləsindən sonra daha çox gənclərə üstünlük verən “Xəzər Lənkəran” lider “Qarabağ”a qonaq olacaq. Gözlənilmədən öz meydanında “Qəbələ”yə məğlub olan ağdamlılar bu görüşün favorite hesab edilir. Cənub klubu isə növbəti 3 xalını qazanmaq niyyətindədi.

 Tura Qəbələdə yekun vurulacaq. “Qəbələ” doğma publika önündə “Sumqayıt”la üz-üzə gələcək.

 Topaz Premyer Liqası

XXV tur

8 mart (bazar)

15:00. “Neftçi” – “İnter”

İlk 2 oyun: 0:0, 1:2

Hakimlər: Fariz Yusifov, Elşən Acalov, Namiq Hüseynov, Mehman Mahmudov
Əlavə köməkçi hakimlər: Əliyar Ağayev, Elvin Əsgərov 

AFFA nümayəndəsi: Elbrus Abbasov
Hakim-inspektor: Asim Xudiyev
İsmət Qayıbov adına Bakıxanov qəsəbə stadionu

16:00. AZAL – “Bakı”

İlk 2 oyun: 0:1, 3:1

Hakimlər: Rəhim Həsənov, Rəvan Həmzəzadə, Vüsal Qənbərov, Orxan Məmmədov 

AFFA nümayəndəsi: Adil Nadirov
Hakim-inspektor: Fazil Mürşüdov
AZAL Arena

17:00. “Qarabağ” – “Xəzər Lənkəran”
Hakimlər: Ramil Diniyev, Elman Musayev, Cavanşir Yusifov, Munis Abdullayev

İlk 2 oyun: 3:2, 3:2

AFFA nümayəndəsi: Eldar Qasımov
Hakim-inspektor: Kərim Ağayev
Tofiq Bəhramov adına Respublika stadionu

18:00. “Qəbələ” – “Sumqayıt”
Hakimlər: İnqilab Məmmədov, Yaşar Abbasov, Vüqar Bayramov, Rza Məmmədov
Əlavə köməkçi hakimlər: Ramil Əhmədov, Ömər Paşayev 

İlk 2 oyun: 3:1, 1:1

AFFA nümayəndəsi: Əsgər Əmirəliyev
Hakim-inspektor: Şahin Cəfərov
Qəbələ şəhər stadionu

Bombardirlər: Nurlan Novruzov (“Bakı”) – 11 qol, Draqan Çeran (“”Simurq”) – 10 qol /Apasport.az/

Ölkə.az