Bu ölkə dünyanın ən böyük silah idxalçısıdır

Dünyada ən çox silah aln ölkələrin siyahısı açıqlanıb.

Ölkə.az "Reuters" agentliyinə istinadən xəbər verir ki, 2014-cü ildə dünyanın ən çox silah alan ölkəsi Səudiyyə Ərəbistanı olub.

Səudiyyə Ərəbistanı siyahıya başçılıq edən Hindistanı sıxışdıraraq birinci yerə oturub. İkinci yerə düşən Hindistanı Çin təqib edir. Xatırladırıq ki, 2013-cü ildə Çin silah idaxalına görə beşinci yerdə idi və üçüncü yerin sahibi Birləşmiş Ərəb Əmirlikləri idi.

Məlumata görə Səudiyyə Ərəbistanının birinci yerə çıxmasının səbəbi 2014-cü ildə hərbi büdcəni 54% artırması olub. Bu ölkənin 2015-ci ildə də ən çox silah alan ölkə olacağı proqnozlaşdırılır. Ər-Riyad bu il 10 milyar dollarlıq silah almağı planlaşdırır.

Dünyanın ən çox silah satan ölkələri isə ABŞ, Rusiya və Fransa olub.

Ölkə.az