Araz Əlizadə: "Avropanın vahid ordu yaratmasını mənasız hesab edirəm"

"Düşünmürəm ki, bu fikrə şərik çıxan kimsə olsun"

"Hələ də anlamıram ki, bu ordu nəyə görə yaranır? Kiminlə müharibə aparacaqlar, bax bunu başa düşə bimirəm".

Bu sözləri Ölkə.Az-a danışan Azərbaycan Sosial Demokrat Partiyasının sədri Araz Əlizadə Avropada vahid ordunun yaradılması təklifini şərh edərkən deyib.

"Mən Avropanın vahid ordu yaratmasını mənasız hesab edirəm. Çünki bu ordunun yaranması iqtisadi cəhətdən böyük pullar tələb edir. Nəzərə alsaq ki, hazırda dünyada iqtisadi böhrandır bu heç kimə sərf etmir. Düşünmürəm ki, bu fikrə şərik çıxan kimsə olsun".

Qeyd edək ki, Avropa Komissiyasının rəhbəri Jan-Klod Yunker Avropada vahid ordunun yaradılması təklifi ilə çıxış edib. Yunker hesab edir ki, bu halda Avropanın üzv ölkələrdə, eləcə də qonşu dövlətlərdə sülhə təhlükə yaradan addımlara daha qətiyyətli cavab vermək imkanı olacaq.

Fatimə İbrahimova
Ölkə.az