Bu ağac qızıldan bar verir ​

Alimlər evkalipt ağaclarının yarpaqlarında qızıl hissəciklərinə rast gəlib.

Ölkə.Az xəbər verir ki, Nature Communications(Təbiət Haqqında Məlumat)-da gedən yazıya görə, elm adamları evkalipt agaclarında 8 mikrometr ölçüsünə qədər qızıl hissəcikləri tapıblar.

Qızılın torpaqdan ağacın kökləri vasitəsilə çıxdığı və su ilə yarpaqlara qədər böyüdüyü məlum olub.  Elm adamları bu barədə araşdırmalarını  Qərbi Avstralyanın Freddo bölgəsində intensivləşdiriblər. Burada evkalipt yarpaqlarındakı qızıl hissəciklərinin əmələgəlmə şansının digər ərazilərə nisbətən 800 faiz çox olduğu öyrənilib.

Alimlər eyni zamanda bu yarpaqlardan qızıl əldə etmənin mümkünsüz olduğu qənaətinə gəliblər. Çünki, 100 ton evkalipt yarpağında yalnız 8 qram qızıl əldə etmək olar.

Rəşid Mustafazadə

Ölkə.Az