İndoneziya yenə silkələndi

Tanimbar adası yaxınlığında baş verən zəlzələnin gücü 5,3 bal olub.

İndoneziyanın Saumlaki məntəqəsinə daxil olan bir ərazidə yeraltı təkanlar qeydə alınıb.

Bu barədə məlumat verən ABŞ Geoloji Tədqiqat mərkəzi (USGS) ziyan və xəsarətlər barədə məlumatın olmadığını bildirib.

Zəlzələnin episentri sahildən 292 kilometr uzaqda, dənizin 110,2 kilometr dərinliyində olub. Sahil məntəqələrdə hiss olunan zəlzələ əhali arasında ciddi narahatlığa səbəb olmayıb. İndoneziyanın Təbii fəlakətlər üzrə əlaqədar qurumu sunami təhlükəsinin olmadığını bildirib.

Qeyd edək ki, 2004-cü ildə Hind okeanında baş verən zəlzələdən sonra güclü sunami dalğaları İndoneziyanın sahilboyu məntəqələrinə ciddi ziyan vurub. Həmin fəlakətdə 14 sahilyanı ölkədən 230 min insan həlak olub.

Ölkə.Az