Dadayev ifadəsini geri götürdü

Ölkə.az Rusiya mətbuatına istinadən xəbər verir ki, Boris Nemçovun qətlində ittiham olunan Zaur Dadayev əvvəllər verdiyi ifadıdın imtina edib.

"Moskovskiy komsomoleç" qəzetinin məlumatına görə, bu sözləri Dadayevlə "Lefertovo" həbsxanasında Dadayevlə görüşən hüquq müdafiəçiləri deyiblər.

Hüquq müdafiəçiləri bildiriblər ki, Dadayev həbs olunarkən ona qarşı fiziki güc tətbiq edilib, xüsusi təyinatlılar "Sən Nemçovu öldürmüsən?" deyə davamlı olaraq qışqırırmışlar. Dadayevin isə onlara cavabı "Yox, mənim bu işdən xəbərim yoxdur" olub.

Hüquq müdafiəçiləri Dadayevin sözlərini olduğu kimi jurnalistlərə çatdırıblar:

"Daha sonra onlar, əgər mən cinayəti boynuma alsam, mənim köməkçim Ruslan Yusupovu buraxacaqlarını dedilər, mən də onu xilas etmək üçün cinayəti boynuma götürdüm. Sonra isə mənə verdikləri sözün üstündə durmadılar. Mən qorxdum ki, məni də Şavanov kimi öldürərlər. İndi isə mən qohumlarımdan xahiş etmişəm ki, mənə yaxşı vəkil tutsunlar. Fevral ayının 28-də mənim "Şimal" batalyonundan təxris olunmağım haqda qərar çıxdı və üstündən bir həftə keçməmiş məni, qəhrəmanı təhlükəli cinayətkara çevirdilər", deyə Dadayev hüquq müdafiəçilərinə bildirib.

Ölkə.az