ABŞ kəşfiyyatı: Ukraynada 500-dən çox rus hərbçisi həlak olub

ABŞ dövlət katibinin Avropa və Avrasiya işləri üzrə köməkçisi Viktoriya Nuland Senatdakı dinləmələrdə iştirak edib.

Ölkə.az "Amerikanın Səsi"nə istinadən xəbər verir ki, dinləmələr zamanı Senatın beynəlxalq məsələlər komitəsinin sədri Bob Korkerin suallarına cavablandırarkən ABŞ kəşfiyyatına əsaslanan maraqlı məlumatlar verib.

Nuland bildirib ki, Ukraynada konflikt başlayandan indiyədək bu ölkənin ərazisində 500-dən çox Rusiya hərbçisi öldürülüb.

"Rusiya Donbas konflikti başlayandan özünün buradakı iştirakını ört-basdır etməyə çalışır və Ukraynda hərbçilərinin olmadığını iddia edir. Amma ABŞ kəşfiyyatında dəqiq məlumatlar var ki, Moskvanın burada 500-dən çox hərbçisi həlak olub", deyə Viktoriya Nuland bildirib.

Ölkə.az