Poroşenko: "Ukraynaya 40 milyard dollar kifayətdir"

Poroşenko lazımi məbləği açıqlayıb.

Ölkə.Az-ın "RBK-Ukrayna"ya istinadən verdiyi xəbərə görə, Ukrayna prezidenti Pyotr Poroşenko bəyan edib ki, ölkəsinə lazımi islahatların reallaşdırılması üçün 40 milyard dollar beynəlxalq yardım kifayətdir.

O qeyd edib ki, hesablamalar görə, bu məbləğ islahatların investisiya iqliminə uyğun şəkildə aparılacağı təqdirdə kifayət edəcək.

"Mən məşhur kəlamı təkrar etmək istəyirəm: "Nə qədər çox, bir o qədər yaxşı"", - deyə prezident əlavə edib.

Xatırladaq ki, bir müddət öncə Poroşenko Beynəlxalq valyuta fondunun paketi çərçivəsində ölkəyə genişləndirilmiş kreditlərin verilməsinin şərtlərindən biri olan iqtisadi qanunları qəbul etmişdi.

Rəşid Mustafazadə

Ölkə.Az