Avropa Liqasında 1/8 final həyəcanı

Bu gün Avropa Liqasında 1/8 finalın ilk oyunlarına start veriləcək.

Ölkə.Az-ın qol.az-a istinadən məlumatına görə, bu mərhələnin bütün görüşləri eyni gündə keçiriləcək.

Günün ilk qarşılaşması Rusiyada keçiriləcək. Peterburqda "Zenit" "Torino"nu qəbul edəcək. Oyun Bakı vaxtı ilə saat 21:00-da başlayacaq.

1/16 finalda "Liverpul"u mübarizədən kənarlaşdıran Türkiyənin "Beşiktaş" klubu səfərdə "Brügge"nin qonağı olacaq. Bu matçın start fiti Bakı vaxtı ilə saat 22:00-da veriləcək.

"Qarabağ"la qrup mərhələsində mübarizə aparmış "Dnepr" klubu öz meydanında "Ayaks"ı sınağa çəkəcək. İtaliya "İnter"i isə Almaniyada "Volfsburq"un qonağı olacaq.

12 mart

Avropa Liqası, 1/8 finalın ilk oyunları

21:00. "Zenit" (Rusiya) - "Torino" (İtaliya)

22:00. "Brügge" (Belçika) - "Beşiktaş" (Türkiyə)

22:00. "Dnepr" (Ukrayna) - "Ayaks" (Hollandiya)

22:00. "Volfsburq" (Almaniya) - "İnter" (İtaliya)

00:05. "Everton" (İngiltərə) - "Dinamo" (Kiyev, Ukrayna)

00:05. "Fiorentina" (İtaliya) - "Roma" (İtaliya)

00:05. "Napoli" (İtaliya) - "Dinamo" (Moskva, Rusiya)

00:05. "Vilyarreal" (İspaniya) - "Sevilya" (İspaniya)

Ölkə.Az