Gözəllik salonundan oğurluq edən qadın saxlanıldı

"Götürdüm, sonra qaytardım"

Paytaxtın Nizami rayonunda keçən ilin sentyabr ayında gözəllik salonundan oğurluq edən qadın saxlanılıb.

Bakının Nizami RPİ əməkdaşları tərəfindən keçirilən əməliyyat zamanı ötən il törətdiyi oğurluq hadisəsinə görə axtarışda olan Bakı sakini, 33 yaşlı Aynur Əliyeva tutulub. Saxlanılan şəxs 2014-cü ilin 19 sentyabr, saat 16:00 radələrində Keşlə qəsəbəsində yerləşən gözəllik salonuna gələrək özünü müştəri kimi təqdim edib. Sonra həmin salonda işləyən İradə İsmayılovaya məxsus çantadan, qızıl-zinət əşyalarını gizli yolla talayaraq oğurlayıb. Aynur Əliyeva törətdiyi cinayət əməlindən yayınsa da, Nizami RPİ-nin 23-cü polis bölməsinin əməkdaşları tərəfindən yaxalanaraq, istintaqa cəlb edilib.

İstintaq zamanı məlum olub ki, Aynur Əliyeva oğurladığı bir ədəd boyunbağı və bir ədəd klonu 1700 manata zərgərə satıb. Oğurlanmış qızıl-zinyət əşyaları əməliyyat-axtarış tədbirləri nəticəsində zərərçəkmişə qaytarılıb. Saxlanılan qadının törətdiyi oğurluqdan başqa, digər cinayət əməllərinin olub-olmaması Nizami RPİ-nin istintaq şöbəsində aparalınan araşdırmalardan sonra bəlli olacaq.

Aynur Əliyeva - saxlanılan şəxs: "Salona müştəri kimi gedirdim, bir-birimizi tanıyırdıq. Boyunbağını götürdüm, sonra aparıb qaytardım."

Faktla bağlı cinayət məcəlləsinin oğurluq maddəsi ilə cinayət işi başlanılıb, araşdırma aparılır. (Region TV)

Ölkə.az