Azərbaycan kuboku: "Qarabağ" və "Neftçi"nin rəqibləri kim olacaq?
Azərbaycan kubokunda artıq iki yarımfinalçı müəyyənləşib.
Ölkə.Az-ın qol.az-a istinadən məlumatına görə, bunlar "Qarabağ" və "Neftçi" klublarıdır.
Səfərdə AZAL-a 1:0 hesabı ilə qalib gələn "Neftçi" yarımfinala yüksəlib. "Qarabağ" isə səfərdə "Bakı"nı 4:1 hesabı ilə məğlub etməklə bu hüquqa yiyələnib.
"Neftçi" və "Qarabağ"ın yarımfinaldakı rəqibləri hazırda davam edən "Xəzər Lənkəran" - "İnter" və "Simurq" - "Qəbələ" oyunlarından sonra bəlli olacaq.
Belə ki, "Qarabağ" yarımfinalda "Simurq" / "Qəbələ" cütünün, "Neftçi" isə "Xəzər Lənkəran" / "İnter" cütünün qalibi ilə qarşılaşacaq.
Qeyd edək ki, yarımfinal mərhələsinin oyunları 13-21 aprel tarixlərində keçiriləcək.
13-21 aprel
Azərbaycan kuboku, yarımfinal mərhələsi
"Neftçi" - "Xəzər Lənkəran" / "İnter"
"Qarabağ" - "Simurq" / "Qəbələ"
Ölkə.Az
