"Facebook"dan mühim yenilik

"Facebook"da gizlilik nizamları üçün xüsusi vasitə tətbiq edilib.

Ölkə.Az "Facebook" sosial şəbəkəsinin rəsmi bloquna istinadən xəbər verir ki, uzun müddətdir sosial şəbəkədə həll edilməsi müşkülə çevrilmiş gizlilik nizamlarındakı problemlər artıq həll olunmağa başlayıb.

Yeni dəyişiklik sizə sosial şəbəkədə sağ üst küncdə olan qıfıl simvoluna basaraq "gizlilik tənzimləmələri"nə daxil olmanızı və "Facebook"dakı paylaşmalarınızın və fərdi məlumatlarınızın kimə necə göründüyünü praktik şəkildə bir pəncərədə görüb onu istədiyiniz kimi tənzimləmənizə icazə verir. Bununla da fərqli tətbiqlərin (fotoların, videoların, linklərin və s.) paylaşma nizamlamalarını, yaxud fərdi məlumatlarınızın görünüş şəklinə başqa profillərdən baxmağa ehtiyac qalmayacaq.

Qeyd edək ki, sosial şəbəkə rəsmiləri "gizlilik tənzimləmələri" bölməsini yenidən dizayn etdiklərini və yaxın aylarda sosial şəbəkədə yayımlayacağını açıqlayıblar.

Ölkə.Az