Politoloq: "Ukrayna müharibə aparmağı bacarmır"

"Nə qədər silah alınsa belə, bu Ukraynaya təsir etməyəcək"

"Nə qədər silah alırsa, alsın, Ukrayna müharibə aparmağı bacarmır. Amma hakimiyyət xalqa göstəriş üçün xeyli silah alır. Xalqı inandırmağa çalışırlar ki, onlarda tək çatışmayan şey silahdır, yoxsa onlar qalib gələrdi".

Bu sözləri Ölkə.az-a danışan politoloq Zərdüşt Əlizadə deyib.

"Keçmiş baş nazir Nikolay Azarov demişdir ki, Ukraynanın o qədər silahı var ki, 50 il müharibə aparsa belə, onlara yetər. Qısacası, nə qədər silah alınsa belə, bu Ukraynaya təsir etməyəcək".

Qeyd edək ki, rəsmi Kiyev 11 Avropa Birliyi ölkəsi ilə silahın çatdırılması haqqında müqavilə imzalayıb. Məlumatlara görə, hazırda Ukrayna ölümcül silahlar almaqda davam edir.
Xatırladaq ki, ABŞ lazım gələrsə, Ukraynaya hərbi dəstək verəcəyini bəyan etmişdi.

Fatimə İbrahimova
Ölkə.az