Elza Seyidcahandan yeni şer: Psixasofdu, soxasoxdu, sizə yoxdu...

“Bəzilərinin gözləri götürmür”.

Azərbaycanın əməkdar artisti, son vaxtlar tez-tez yazdığı şerləri ilə müzakirə obyektinə çevrilmiş Elza Seyidcahan yeni şerini təqdim edib.

Ölkə.Az xəbər verir ki, simsar.az saytına müsahibəsi zamanı Elza Seyidcahan yeni “Psixosof” şerini oxuyub.

Müğənni şerlərinin cəmiyyət tərəfindən birmənalı qarşılanmaması barədə sualı isə belə cavablandırıb:

“Düzdür, son vaxtlar şeirlərimlə bağlı mən də müxtəlif fikirlərlə rastlaşıram. Bəzilərinin gözləri götürmür. Düşünürəm, əsl şairlər şeir yazan birini təhqir etməzlər, həvəsdən salmağa çalışmazlar”.

Şairlər var şeirləri oxunmur,
Yazanlar var bir sözləri toxunur!
Şairlə var,şairləri toxuyur,
Yazanlar var bir sözüylə soxulur!
Şairlə var min sözüylə soxulmur, qovrulur.
Psixasofdu, soxasoxdu, sizə yoxdu
Dedakafondu, şeirim fondu amma çoxdu, pis gözlərə oxdu
Polifonikdi, sizinki mikdi.
Yazan var, pis gözlərə dikdi!
İnciməyin, yazan var ki, yazanları pozdurur, şair olur.
Şair gərək vətənindən ,torpağından ilham alsın, şair olsun
Şair odur bir könülə min könülə vurulmaq üçün sail olsun, zahir olsun, zahid olsun, aşiq olsun
Şair olsun ... O olmasın,bu olsun, yox olmasın olmasın...
Yox yazmasın, yazmasın... Qoy yazsın da...
Qoy yandırsın, yaxıtsın da...
Harmonikdi, 32-likdi...
Sizə bəlkə yüzillikdi,
Əsrlərin şairləri olan yerdə biz kimik ki.
Şairlər var şeirləri oxunmur
Yazanlar var, düz sözləri toxunur
Şairlə var şairləri toxuyur
Yazanlar var bir sözüylə soxulur!