Putin haqqında yayılan şayiələrdən danışdı

Putin səhhətində yaranan problemlər haqqında yayılan şayiələrə aydınlıq gətirib.

Ölkə.Az "RİA Novosti" agentliyinə istinadən xəbər verir ki, Rusiya Federasiyasının prezidenti Vladimir Putin səhhətindəki problemlərlə bağlı xəbərləri şərh edib.

"Həyat qeybətsiz darıxdırıcı olar", - deyə prezident bildirib.

Qırğızıstanın başçısı da öz növbəsində qeyd edib ki, Vladimir Putin özünü yaxşı hiss edir.

"İndisə Vladimir Vladimiroviş məni ərazi üzrə avtomobildə gəzdirirdi, özü sükan arxasında idi. Bu, qeybətin olmaması üçündür", - deyə Qırğızıstan prezidenti Almazbek Atambayev deyib.

O qeyd edib ki, tez-tez özü haqqında şayiələri eşidir və bunu düzgün hesab etmir.

Xatırladaq ki, bir müddət öncə KİV-də Putinin xəstələndiyi barədə xəbərlər yayılmışdı.

Rəşid Mustafazadə

Ölkə.Az