ABŞ: Krım Ukraynanın tərkibinə qayıtmayınca sanksiyalar ləğv olunmayacaq
ABŞ Dövlət departamentinin rəsmi nümayəndəsi Cen Psaki növbəti bəyanatla çıxış edib.
Ölkə.az ABŞ mediasına istinadən xəbər verir ki, Dövlət departamentinin rəsmi mövqeyini elan edən Cen Psaki Rusiyaya qarşı tətbiq edilən sankisiyaların Krımın yenidən Ukraynanın tərkibinə qayıdacağı günə qədər davam edəcəyini deyib.
"Biz elan edirik ki, Ukraynaya qarşı Rusiyanın aqressiyasının davam edəcəyi təqdirdə sanksiyalar qüvvədə qalacaq. Krım yarımadasının işğalı sona çatmayıncaya qədər Moskva sanksiyalardan xilas ola bilməyəcək. Bizim bu məsələlərə münasibətimiz dəyişməz qalır", deyə Cen Psaki bildirib.
Ölkə.az
