Bakı sakinlərindən narkotik götürülüb
Bakıda üç nəfərdə xeyli miqdarda narkotik aşkar edilib.
Bakı Şəhər Baş Polis İdarəsindən verilən məlumata görə, Xəzər Rayon Polis İdarəsinin Cinayət Axtarış Şöbəsi, 1-ci və 2-ci Polis Bölmələrinin əməkdaşlarının keçirdiyi əməliyyat-axtarış tədbirləri nəticəsində, müvafiq olaraq ayrı-ayrılıqda Bakı şəhər sakini, əvvəllər məhkum olunan, 1964-cü il təvəllüdlü Elman Mikayıl oğlu Mirzəyevdə 485 qram, Zirə qəsəbəsi Babayev küçəsində yaşayan 1986-cı il təvəllüdlü İntiqam Adil oğlu Əliyevin həyətyanı sahəsində yerləşən istixanadan çəkisi 5,26 qram olan marixuana kolu və evin zirzəmisindən 450 qram qurudulmuş marixuana aşkarlanıb.
Digər birgə əməliyyatı Nizami Rayon Polis İdarəsinin Narkotiklə Mübarizə Bölməsi və 23-cü Polis Bölməsinin əməkdaşları keçirib. Əməliyyat tədbirləri nəticəsində Bakı şəhər sakini, 1967-ci il təvəllüdlü Samir Rafiq oğlu Tahirzadədən 455 qram həşiş qətranı və 501,770 qram heroin aşkar olunaraq götürülüb.
Ölkə.Az
