Rus ordusu döyüş hazırlığı vəziyyətinə gətirildi

Baltik donanması, Cənub Hərb Dairəsinin hissələri və desant qoşunları yüksək hərbi hazırlıq vəziyyətinə gətirilib.

Ölkə.az Rusiya KİV-ləörinə istinadən xəbər verir ki, məlumatı ölkənin müdafiə nazirliyi təsdiqləyib.

Şimal donanmasının təlimlərində 38 min əsgər, 3360 ədəd hərbi texnika, 41 hərbi gəmi, 15 sualtı qayıq, 110 təyyarə iştirak edir.

Analitiklərin fikrincə Rusiyanın bu addımı son zamanlar NATO qoşunlarının Avropa qitəsində aktivliyinin artması ilə bağlıdır. Yaxın günlərdə isə NATO Baltikyanı ölkələrdəki hərbi varlığını artırmaq haqqında qərar qəbul etdi və bu respublikaların ərazisində birgə hərbi təlimlər keçirildi. Rusiyanın addımı isə bu hərəkətlərə cavab kimi dəyərləndirilir.

Ölkə.az