Alimlər sevgi ilə bağlı növbəti faktı aşkarladı

Alimlər sübut edib ki, sevgi beyin fəaliyyətinə təsir edir.

Ölkə.Az "Frontiers in Human Neuroscience" jurnalına istinadən xəbər verir ki, Çin və ABŞ alimləri sevgi hissinin beyin fəaliyyətinə təsir etmə gücünə malik olduğunu sübut ediblər.

Tədqiqat üçün alimlər Çinin Cənub-Qərb universitetinin 100 könüllü tələbəsini seçiblər. İştirakçılar 3 qrupa bölünüb: qarşılıqlı sevənlər (34 nəfər), romantik münasibətlərə təzəlikcə son qoyanlar (34 nəfər), heç vaxt sevməyənlər (32 nəfər). Sevginin beynin fəaliyyətinə necə təsir etdiyini öyrənmək ümün könüllülər maqnit-rezonans tomoqrafiyasından keçiblər. Prosedurlar zamanı iştirakçılardan heç nə barədə düşünməmək tapşırılıb.

Təcrübədən məlum olub ki, sevən könüllülərdə emosiya, motivasiya ilə bağlı beyin hissələrə daha aktiv işləyib. Sevgi münasibətlərinə təzəlikcə son qoyanlarda bu sahələr daha zəif imiş Ən aşağı nəticələr isə heç vaxt sevgi münasibətlərində olmayan şəxslərdə müşahidə olunub.

Ölkə.Az