Azərbaycan xam neft və qaz ixracını azaldıb

Dövlət Gömrük Komitəsi məlumat yaydı.

2015-ci ilin iki ayı ərzində (yanvar, fevral) 1 milyard 825 milyon 982.28 min dollar həcmində xam neft ixrac olunub. Bu da 2014-cü ilin müvafiq dövrü ilə müqayisədə 1 milyard 442 milyon 722.77 min dollar və ya 44% azdır.

Bu barədə Ölkə.Az-a Dövlət Gömrük Komitəsindən məlumat verilib.

Məlumat üçün bildirək ki, 2015-ci ilin ilk iki ayının ümumi ixraca nisbətdə payı 78.21% təşkil edib. 2014-cü ilin müvafiq dövründə isə bu rəqəm 55.86% olub.

Azərbaycan 2015-ci ilin ilk iki ayı ərzində 33 milyon 621.02 min dollarlıq qaz satıb. Bu da 2014-cü ilin müvafiq dövrü ilə müqayisədə 75 milyon 031.54 min dollar və ya 69% azdır.

Qeyd edək ki, 2015-ci ilin ilk iki ayının ümumi ixracına nisbətən payı 1.44%-dir, 2014-cü ildə isə bu göstərici 30.94% olub.

Ölkə.Az