Ronaldinyo məşqdən qovuldu

Meksikanın "Keretaro" klubunun futbolçusu Ronaldinyo komandanın son məşqindən qovulub.

Qol.Az-ın ESPN-ə istinadən verdiyi məlumata görə, buna ulduz futbolçunun "Toluka" ilə oyunöncəsi keçirilən məşqdə iştirak etməməsi səbəb olub.

Belədə "Keretaro"nun baş məşqçisi Viktor Vuçetiç Ronaldinyonu "Toluka" ilə matçın (0:1) 18-liyinə daxil etməyib. Daha sonra komandanın son məşqindən qovulan 34 yaşlı futbolçunun Meksika klubu ilə yollarının ayrılacağı bildirilir.

Qeyd edək ki, karyerası ərzində "Flamenqo", "Milan", "Barselona", PSJ kimi klublarda çıxış edən Ronaldinyo ötən ilin sentyabr ayında "Keretaro" ilə iki illik müqavilə imzalayıb.

Ölkə.Az