Zaur Məmmədovun anası: "Bu işə görə çox sərt cəzadır"

“Mən başqalarının şəxsi həyatına aid olan videoya baxmanı qanunsuzluq hesab edirəm”.

"Oğullarımdan biri barəsində həbs-qətimkan tədbiri seçilib. Düşünürəm ki, zərərçəkmişin ümumiyyətlə olmadığı bir iş üçün bu, çox sərt cəzadır. Lakin düşünürəm ki, məhkəmə daha doğrusunu bilir. Məhkəmənin və gələcək istintaqın ədalətli olacağına ümid edirəm".

Ölkə.az xəbər verir ki, bu sözləri bu gün Bakı Apellyasiya Məhkəməsində baş tutmuş prosesdən sonra, Hamlet İsaxanlının qızı Ülkər İsayevanın döyülməsində ittiham olunan Zaur Məmmədovun həbsindən sonra onun anası Gülnarə Məmmədova deyib.

Gülnarə Məmmədova bildirib ki, məhkəmə prosesi qapalı keçirilib. İttiham olunan qardaşların anasının sözlərinə görə, qanunsuz şəkildə internetdə yerləşdirilmiş videogörüntülərdə kiminsə döyüldüyü yox, gənclərin maşınla aparmaq istəmədikləri qızı avtomobildən düşürtməyə çalışdıqları göstərilir.

"Mən həmin videodakı gənc oğlanın kim olduğunu bilmirəm. Mən ümumiyyətlə, videoya baxmamışdım, çünki hesab edirəm ki, başqalarının şəxsi həyatına aid olan videoya baxmaq qanunsuzdur. Biləndə ki, bu videonun mənim övladlarımın işinə aidiyyəti var, baxdım ki, nə baş verdiyini anlaya bilim. Amma mən orada heç kimi tanımadım, hətta öz oğlanlarımı belə".

Gülnarə Məmmədovanın sözlərinə görə, digər oğlu – Elin Məmmədov azadlığa buraxılıb.

"Zaur da azadlığa buraxılmalı idi. Yazılanların heç biri həqiqəti əks etdirmir. Mənim oğlumun heç bir günahı yoxdur”.

Həyat yoldaşı barədə mətbuatda gəzən şayiələrə də münasibət bildirən G.Məmmədova həyat yoldaşının pensiyaçı olduğunu və heç bir qeyri-qanuni fəaliyyətlə məşğul olmadığını bildirib.

Ölkə.Az