Əliyevi ad gününə çağıran 11 yaşlı Ümid Prezident Sarayında

Bu gün Azərbaycan Prezidenti İlham Əliyev, xanımı Mehriban Əliyeva və ailə üzvləri Gəncənin 11 yaşlı sakini Ümid Həbibovla görüşüblər.

Ölkə.Az xəbər verir ki, trend-in AzTV-yə istinadən verdiyi məlumata görə, 2014-cü il oktyabrın 18-də Gəncədə səfərdə olarkən Prezident İlham Əliyev və xanımı Mehriban Əliyeva şəhərin gənc sakini Ümid Həbibovla görüşmüşdülər.

Qeyd edək ki, həmin görüşdə Ümid Həbibov ad gününə Prezident İlham Əliyev və xanımı Mehriban Əliyevanı dəvət etmişdi.

Bu gün martın 19-da Prezident İlham Əliyev və xanımı Mehriban Əliyeva Prezident Sarayında Ümid Həbibovu çay süfrəsinə dəvət ediblər.

Ölkə.Az