Tunisdə muzeyə hücum etməkdə şübhəli bilinən 9 şəxsi saxladı

Tunis polisi muzeyə hücum etməkdə şübhəli bilinən 9 nəfəri saxlayıb.

Ölkə.Az xəbər verir ki, Tunisdə hüquq-mühafizə orqanları "Bardo" muzeyinə hücumda şübhəli hesab olunan 9 şəxsi saxlayıb.

Bildirilir ki, xüsusi əməliyyat zamanı güllələnmiş iki terrorçunun şəxsiyyəti müəyyən olunub. Onlardan biri Yasin Laabidi və Hatəm Haşnauidir. Yerli KİV-lər qeyd edir ki, cinayətkarlardan biri əvvəllər də xüsusi xidmət orqanlarının nəzarətində olub.

Versiyalardan birinə əsasən, muzeydəki teraktın iştirakçıları "Okba ibn Nafaa" qruplaşmasının üzvləridir. Bu qruplaşma Məğrib ölkələrində "Əl-Qaidə"nin şöbələri ilə əlaqəlidir. Hələlik heç bir təşkilat insidentə görə məsuliyyəti üzərinə götürməyib.

Rəşid Mustafazadə

Ölkə.Az