Mətn ölçüsü:
  • 100%

12 il sonra komadan çıxan gəncin tükürpədici həyat hekayəsi

Anası ona "Ümid edirəm ki, ölərsən..." demişdi.

Ölkə.Az "Daily Mail"a istinadən xəbər verir ki, bəlli olmayan bir xəstəlik Cənubi Afrikada yaşayan 12 yaşlı Martin Pistorius adlı yeniyetmənin həyatını kökündən dəyişib.

Əvvəl boğaz ağrısıyla başlayan xəstəlik Martinin xəstəxanada yatması və ən sonda hərəkət qabiliyyətini tamamilə itirməsiylə nəticələnib.

Həkimlər Martinin meningit xəstəliyinə tutulduğunu zənn edirdilər və ona kömək edə bilməyəcəklərini söylədikdən sonra Martini evə göndərdilər. Ailəsi Martinin hər anında yanında idi. Hamam və qida qəbulu kimi sadə işlərini yerinə yetirə bilməyən Martinin yataq yarası qazanmasının qarşısını almaq üçün onu hər 2 saatdan bir çevirmək lazım idi. Gündüzləri xəstəxanaya gedən Martin 2 il sonra şüurunu bərpa etməyə başladı. 16 yaşına gəldiyində Martin vəziyyətindən xəbərdar idi, ancaq yenə də hərəkət edə bilmirdi. Onun danışa bilməsi üçün daha bir 10 il lazım olacaqdı.

Özünə gəldikdən sonra isə onun dedikləri sizi şoka salacaq:

"Qorxunc idi. Ailəm başıma gələnləri öyrəndiyində şok olmuşdu. İnsanlar saçımı çəkir, metal qaşıq dişime vurur və qaşığı ağzıma yerləşdirməyə çalışırdı. Onlar mənə davamlı olaraq qışqırır və əsəbiləşir, ağladığımda isə daha pis davranırdılar. Nəzarətçi qadınlardan birinin cinsi istismarına belə məruz qalmışdım. Qaldığım otağa gəlib mənimlə əlaqəyə girməyə çalışır və cinsi orqanlarıma toxunurdu. Hər saniyə qaçacağım günü gözlədim ", - deyə Martin bildirib.

Martin üçün ən ağır gün isə anasının onun qulağına "Ümid edirəm ki, ölərsən" dediyi gün olub. 2011-ci ildə 25 yaşlı Martin Pistorius yavaş-yavaş düzəlməyə və ünsiyyət qurmağa başlayıb. Koma vəziyyətindən ayılandan sonra bu gəncin danışdıqları bir çox prodüsserlər üçün əsl film ssenarisi olub. Martin və onun həyat yoldaşı yeni filmdə onları Met Deymon və Kemeron Diazın canlandırmasını arzu edirlər.

Rəşid Mustafazadə

Ölkə.Az