Mətn ölçüsü:
  • 100%

Bu gün Günəş tutulacaq

Bu gün Günəş tutulması hadisəsi baş verəcək.

Ölkə.Az xəbər verir ki, bu gün saat 11:40-da Günəş tutulması başlayacaq.

Bunu "Trend"ə açıqlamasında Azərbaycan Milli Elmlər Akademiyasının (AMEA) Şamaxı Astrofizika Rəsədxanasının direktor müavini Xıdır Mikayılov deyib. O bildirib ki, Günəş tutulması hadisəsi martın 20-si saat 11:40-da başlayacaq, saat 15:48-də başa çatmaqla 4 saat 8 dəqiqə davam edəcək. Alimin fikrincə, Günəş tutulması maksimumuna saat 13:44-də çatacaq.

O deyib ki, Azərbaycandan Günəş tutulması 1 saat 30 dəqiqə ərzində müşahidə ediləcək:

"Belə ki, ölkəmizdə Günəş tutulmasının müşahidə olunması saat 13:46-da başlayacaq, saat 14:30-da maksimumda olacaq, saat 15:18-də isə başa çatacaq. Günəş tutulmasını biz yalnız qismən müşahidə edə biləcəyik. Biz baxdıqda görəcəyik ki, Ayın diski Günəşin yarı səhtini örtüb", - deyə Mikayılov söyləyib.

Xıdır Mikayılovun sözlərinə görə, Günəş tutulmasını Şimali Afrika, Şimali Asiya və Avropa ölkələrində qismən, İslandiya, Atlantik okeanının şimal hissəsində və Şimal Buzlu Okeanı hövzəsində isə tam müşahidə etmək mümkün olacaq.

Ölkə.Az