Millət vəkilindən xaricdə yaşayan azərbaycanlılara
Bunu "Ölkə.Az"a açıqlamasında millət vəkili Aydın Mirzəzadə deyib.
Onun sözlərinə görə, bu gün azərbaycanlı gənclər dünyanın ən müxtəlif ölkələrində təhsil alırlar və Azərbaycan dövləti onlara hər zaman diqqət və qayğı göstərib:
“Biz bunun koronavirusun yayıldığı ilk gündən bariz şahidi olduq. Azərbaycan dövləti koronavirusun daha geniş yayıldığı ölkələrdən vətəndaşlarını təxliyyə etdi. Hazırda koronavirus dünyanın 120-dən artıq ölkəsində, o cümlədən Avropa ölkələrində geniş yayılıb. Bu ölkələrin hər birində çoxsaylı azərbaycanlı gənclər təhsil alır. İndi həmin gənclər həm Novruz bayramı, həm də koronavirusla əlaqədar olaraq təhsilə fasilə verildiyindən Azərbaycana dönmək istəyirlər. Bu onların hüququdur və istənilən vaxt Vətənə dönə bilərlər.
Azərbaycan dövləti onların sağlamlığının müdafiəsini ən yüksək səviyyədə təmin etməyə hazırdır və burada hər hansı söhbət ola bilməz. Amma onu da unutmaq lazım deyil ki, koronavirusun yayıldığı ölkədən Vətənə dönən şəxs mütləq qaydalara uyğun olaraq iki həftəlik karantinə yerləşdiriləcək. Digər tərəfdən də Azərbaycanda da bu virus aşkar edildiyində təhsil aldıqları ölkəyə dönəndə karantində nəzarətdə olacaq. Belə olan halda ən optimal variant kimi həmin gənclərə təhsil aldıqları ölkədə qalması tövsiyyə olunur”.
A.Mirzəzadə əlavə edib ki, xaricdə təhsil alan gənclərimiz təhsil aldıqları ölkələrin karantin qaydalarına riayət edib, nəzarətdəqalsalar daha yaxşı olar:
“Bununla həm onlar yaxınlarını, ailələrini virusa yoluxmaqdan qorumuş olacaqlar, həm də məcburu karantinə alınmaycaqlar. Çünki Azərbaycana gələn kimi iki həftəlik karantinə alınacaqlarından nə valideynləri və yaxınları ilə görüşə biləcək, nə də istədikləri kimi rahat istirahət edə bilməyəcəklər. Belə olan şəraitdə ən yaxşı variant yaşadıqları ölkələrdə qalmasıdır. Bütün hallarda bu məsələ vətəndaşın öz ixtiyarına buraxılır. Gələcəkləri təqdirdə Azərbaycan dövləti vətəndaşının sağlamlığını təmin etmək üçün bütün zəruri addımları atacaq”.
Mürtəza
Ölkə.Az
