"Fənərbaxça" - "Beşiktaş" oyunu yenidən keçirilməlidir!

Türkiyənin sabiq futbol hakimi və futbol şərhçisi Əhməd Çakar "Fənərbaxça" - "Beşiktaş" oyunundakı qanun pozuntularını əsas gətirərək, qarşılaşmanın yenidən keçirilməsini tələb edib.

Əhməd Çakar "Sabah" qəzetindəki köşə yazısında qarşılaşmanın hakimi Fırat Aydınusu sərt tənqid edib. O, bildirib ki, "Fənərbaxça"nın oyunçusu Emenikenin hərəkəti qarşılığında hakimin reaksiyası yanlış olub: "Bir futbolçu səbəbindən asılı olmayaraq, hakimdən icazə almadan meydandan çıxa və meydana qayıda bilməz".

Futbol şərhçisi hesab edir ki, hakim Fırat Aydınus meydandan özbaşına çıxan və geri qayıdan Emenikeyə qırmızı kart göstərsəydi, "Fənərbaxça" 10 nəfərlə qalacaqdı: "Təbii ki, bu hakim səhvi oyunun yenidən keçirilməsini tələb edir"./Musavat.com/

Ölkə.Az