Dubay şahzadəsi Bakıda

Gəlişinin məqsədi bilinmir.

Ölkə.Az xəbər verir ki, BƏƏ-nin iri əmirliklərindən sayılan Dubayın vəliəhd şahzadəsi Fazza və ya Hamdan ibn Məhəmməd Əl Maktum Bakıdadır.

Bu barədə şahzadə özü şəxsi "Instagram" hesabında Dövlət Bayrağı meydanında çəkdirdiyi şəkli paylaşaraq məlumat verib. Hələlik isə Dubay şahzadəsinin Bakıya nə üçün səfər etdiyi bilinmir.

Aldığımız məlumata görə, şahzadənin Azərbaycan bayrağının fonunda şəkil çəkdirdiyi şəxs onun doğma əmisi Səiddir. Digər mənbələrdən birində deyilir ki, Fazza dostları ilə birlikdə Bakıya qonaq gedib.

Onun dostlarından birinin yaydığı informasiyaya əsasən, bu müddət ərzində onlar "Flame Towers"ın daxilində yerləşən "Fairmont Hotel"də yaşayacaqlar.

Hamdan ibn Məhəmməd Əl Maktum 1982-ci ildə anadan olub. O, Dubay əmirliyinin kral ailəsinin üzvüdür və 2008-ci ilin 1 fevral tarixindən Dubayın vəliəhd şahzadəsidir. Şahzadə Sendherst hərbi akademiyası və London iqtisadiyyat məktəbini bitirib. O, siyasətdən əlavə həm də Fazza təxəllüsü ilə şeir yazır. Onun hobbilərin sırasında bahalı dəvələr almaq, avtomobillər toplamaq və paraşütdan tulllanmaqdır.

Fazza Məhəmməd ibn Rəşid Əl Maktumun ümumillikdə 19, birinci arvadından isə 13 övladdan biridir.

"Forbes" jurnalı 2011-ci ildə şahzadənin 18 milyard sərvətə malik olduğunu açıqlayıb.