Yəməndə toqquşmalarda 18 nəfər öldü
Ölənlərin 13-ü üsyançıların tərəfində vuruşub.
Ölkə.Az "Agence France-Presse"ə istinadən xəbər verir ki, Yəmənin şimalında şiə üsyançıları ilə hakimiyyət ordusu arasında yaşanan toqquşmalarda 18 nəfər ölüb.
Bu barədə yerli polis orqanları məlumat yayıb. Hüquq-mühafizə orqanları əməkdaşlarının sözlərinə görə, toqquşmalar Laxc mühafazasının paytaxtında baş verib.
Qeyd olunur ki, ölənlərin 13-ü üsyançıların tərəfində vuruşub. Daha 5 nəfər isə keçmiş prezident Abd Rabbo Mənsur Hadinin tərəfdarı olub.
Bir müddət öncə məlum olub ki, Böyük Britaniya Səudiyyə Ərəbistanının Yəmən münaqişəsinə hərbi müdaxiləsini dəstəkləyib.
Rəşid Mustafazadə
Ölkə.Az
