İlahiyyatçı: "Müsəlmanların ən böyük faciəsi ondadır ki..."

"Müsəlmanların ən böyük faciəsi Qurandan, elmdən qopmaları, xurafata, mövhümata və cəhalətə qapılmalarıdır"

Səudiyyə Ərəbistanının silahlı qüvvələri Yəmən ərazisində hərbi əməliyyatlara başlayıb. Səudiyyə Ərəbistanının Yəməndə keçirdiyi hərbi əməliyyata Küveyt, Bəhreyn, BƏƏ və Qatarın hərbi birlikləri də dəstək verirlər. Xatirladırıq ki, uzun illər ərzində ölkədə hakimiyyətə qarşı qiyam qaldırmış şiə husilər keçən həftə ağır döyüşlərdən sonra paytaxt Sananı ələ keçiriblər. Ölkə prezidenti isə paytaxtı tərk edib.

Ərəbistan yarımadasında baş verən hadisələri ilahiyyatçı alim Elşad Miri Ölkə. az-a şərh edib.

Elşad Miri: "Dünyada ən çox silah satan ölkə ABŞ və Rusiyadır. Ən çox silah alan ölkə isə Səudiyyə Ərəbistanıdır. Səudiyyə Ərəbistanı dünyanın heç bir yerində müharibə aparmayan bir ölkədir. Yaxın Şərqdə gedən proseslərin, müsəlmanların yaşadığı ölkələrə sirayət etməsi üçün planlar cızılıb, hazırlanıb və bu istiqamtdə də işlər gedir.

Müsəlman aləmində baş verən problemlərin ən böyük səbəbi müsəlmanların Qurandan, elmdən qopması, xurafata, mövhümata inanması və cəhalətə qapılmasıdır. Bu gün müsəlmanlar daha çox bir-birinin qanını tökməyə həvəsli görünürlər.

Bu gün Yəməndə muxtəlif qruplaşmalar var və Yəmən acınacaqlı vəziyyətdə olan bir ölkədir. Bizə çatan xəbərləri kökün araşdırsaq görərik ki, düna gündəmini hansı ölkələr müəyyən edir, baş verən porsesləri kimlər idarə edir. Artıq Yəməndə baş verən preseslərə faktiki olaraq İran da qarışıb".

Ölkə.az
Attila