“Həci başqadır” videosunun qəhrəmanı ortaya çıxdı

“Adım Hacıağadır. Hamı mənə “Həci” deyir”

Son günlər sosial şəbəkədə geniş yayılan “Həci başqadır” videosunun qəhrəmanı ortaya çıxıb.

Ölkə.Az-ın Axşam.az-a istinadən məlumatına görə, Hacıağa adlı Maştağa sakini yumorist Fərda Xudaverdiyevin “Top kimi şou” verilişinin qonağı olub:

“Bu hadisə beş ay öncə baş verib. Videoda adını çəkdiyim Yavər əmim oğludur. Yolda gedərkən belə bir səsyazısı qeydə alıb “WhatsApp”la ona yolladım. Sonradan internetdə sürətlə yayıldığını gördük. İnanın ki, bunu nə mən, nə də əmim oğlu edib. Heç bu səs yazısı öz telefonumuzda qalmamışdı. Sosial şəbəkədə belə populyar olmasına mat qaldıq. Mən Maştağada yaşayıram. Şou-bizneslə heç bir əlaqəm yoxdur. Adım Hacıağadır. Hamı mənə “Həci” deyir. Videoda elə özümü tərifləyirdim”, - deyə gənc bildirib.

 

Qeyd edək ki, “Top kimi şou” hər həftənin cümə günü saat 22:30-da ATV-də efirə gedir. Verilişin sözügedən buraxılışı isə apreldə yayımlanacaq.