Həbsdə olan Ronaldinyonun maraqlı ARZUSU
Braziliyalı keçmiş əfsanəvi futbolçu Ronaldinyo futbol oynamaq üçün ayrıca ərazi istəyib.
''Ölkə.Az'' xəbər verir ki, Ronaldinyo Paraqvaya saxta pasportla daxil olduğu üçün qardaşı ilə birlikdə saxlanılaraq həbs edilib. O həbsxanada 32 gün qaldıqdan sonra 1 milyon 600 min dollar təzminat ödəyərək cəzasının geri qalanını dörd ulduzlu oteldə çəkəcək. Keçmiş futbolçu futbol oynamaq üçün oteldən top və ərazi istəyib. Otelin müdürü onun istəyini yerinə yetirərək 450 kvadrat metrlik ərazi verib.
Xatırladak ki, futbolçu həbsdə olsa da istək və tələbləri ilə tez-tez gündəmə gəlməyi bacarır. Onun qaldığı otel Paraqvayın ən bahalı və mənzərəli otellərindən biri hesab olunur.
Ölkə.Az
