Həftənin icmalı

Azərbaycana qar yağı

23.03.2015 09:25

Hava kəskin pisləşib.

Azərbaycan ərazisində hava şəraiti kəskin pisləşib.

Şimal rayonlarda hətta qar yağmağa başlayıb.

Bölgələrdən daxil olan məlumata görə, saat 02.19 etibarən İsmayıllı və ətraf rayonlara güclü qar yağmağa başlayıb.

Qarabağda daha bir işğalçı öldü

23.03.2015 09:57

Araşdırma aparılır.

Erməni işğalçılarının Dağlıq Qarabağdakı hərbi birləşmələrindən birində hərbi qulluqçu qəflətən ölüb.

Cəbhənin şimal-şərqində saat 17:45 radələrində hərbi qulluqçu Ayk Taronoviç Marqaryan (1992-ci il təvəllüdlü) qəflətən ölüb.

Hərbi qulluqçunun ölümünün səbəbləri araşdırılır, erməni mətbuatı yazır.

 

Azərbaycan tərəfə keçən erməni hərbçidən — ŞOK AÇIQLAMA

23.03.2015 13:54

Martın 22-də günorta saatlarında ilkin məlunata görə 1991-ci ildə Xocavənd rayonunda anadan olmuş, Ermənistan silahlı qüvvələrinin hərbçisi, müqavilə əsasında hərbi xidmət keçən hərbi qulluqçu Andranik Araratoviç Qriqoryan öz hərbi hissəsini tərk edərək könüllü surətdə Azərbaycan tərəfinə təslim olub.

Ölkə.Az-ın Müdafiə Nazirliyinə istinadən məlumatına görə, qoşunların təmas xəttini keçən erməni hərbçisi hərbi qulluqçularımız tərəfindən saxlanılıb.

İlkin dindirmədə Andranik Qriqoryan bildirib: “Mən 1991-ci ildə Martuni rayonunda anadan olmuş Andranik Araratoviç Qriqoryanam. 22 mart 2015-ci il tarixində könüllü olaraq Azərbaycan tərəfinə keçmişəm. Bunun çox sadə bir səbəbi var. Mən mənasız yerə ölməkdən qorxuram.

Cəbhə xəttini keçəndə mən tək deyildim. Mənimlə siz tərəfə keçməyə cəhd göstərən bir nəfər də var idi. Mən daha cəld tərpəndim. Silahı atıb sizə tərəf gəldim. Onun taleyindən xəbərim yoxdur. Güman edirəm ki, artıq sağ deyil.

Nə qədər erməni hakimiyyəti öz xalqından martın 19-da olan hadisəni gizlətmək istəsə də artıq hamı bilir. Mənasız təşkil olunmuş təxribat zamanı 20-dən artıq ölu, onlarla yaralı var. Əsgər çatışmadığına görə postlara mülkiləri yerləşdirirlər.

Mən onların çirkin oyunlarının növbəti qurbanı olmaq istəmirəm. Qarabağdakı dözülməz şərait, hərbi hissələrdəki intizamsızlıq, silah-sursat çatışmazlığı, qida və dərman qıtlığı, yerli ermənilərlə Ermənistanlı ermənilər arasındakı münaqişə, zabitlərin əsgər və gizirlərə pis münasibəti və hərc-mərclik məni cana yığıb. Mənim kimi o tərəfdə bu cür yaşamaqdan bezib bura keçmək istəyən çoxlu sayda insan var.

Amma açığını deyim ki, burda onları nə gözlədiyini bilmədikləri üçün ürək etmirlər. Mən də bu addımı atmazdan əvvəl çox düşündüm və qərara gəldim orada qalıb ölüm saatımı gözləməkdənsə könüllü təslim olum. Gözlədiyimin tam əksi olaraq burda məni normal qarşıladılar və doyunca yemək-içmək verdilər.

Bir də buradan əlində məcbur silah tutan yoldaşlarıma səslənib demək istəyirəm ki, azərbaycanlılar heç də o, cinayətkar hakimiyyətin illərdir bizim beynimizə yeritdikləri kimi deyillər. Nə qədər ki, gec deyil siz də mənim kimi edin”.

Hazırda təhlükəsizliyi təmin olunmaqla saxlanılan əsir A.Qriqoryanla hamılıqla qəbul edilmiş insan hüquqları normaları daxilində rəftar edilir.

 

Azərbaycana gətirilən dərmanlarla bağlı qorxunc iddia

23.03.2015 15:33

Ölkəyə gətirilən dərman preparatlarının tərkibi dəyişdirilir.

Azərbaycana gətirilən dərman preparatları ilə bağlı dəhşətli iddia üzə çıxıb.

Ölkə.Az Qafqazinfo-ya istinadən xəbər verir ki, ANS-nin canlı yayımına özünü tibb elmləri namizədi, Mərkəzi Dəmmiryolu Xəstəxanasının şöbə rəisi doktor Kərimov kimi təqdim edən bir izləyici telefonla qoşulub.

O, bildirib ki, Azərbaycana gətirilən dərman preparatlarının tərkibi dəyişdirilir. Belə ki, həkimin iddiasına görə, Azərbaycanlı sifarişçilər istehsalçıdan dərmanların içinə müəyyən maddələri qatmamaqla dərmanın ucuz satılmasını istəyirlər.

 

Müdafiə nazirliyi: Hələ çox erməni əsgəri haqq yoluna gələcək

24.03.2015 19:04

“Ermənistan ordusunda ancaq debillər xidmət edir?”

“İmkanları olsa, hətta Andranik Qriqoryanın, ümumiyyətlə, mövcudluğunu təkzib edərlər. Əvvəlcədən də bizim üçün aydın idi ki, könüllü surətdə qoşunlarımızın nəzarətində olan əraziyə keçən erməni hərbçisi barədə yayımlanan kadrların həqiqiliyinə düşmən tərəfi şübhə yaratmağa və onu təkzib etməyə cəhd göstərəcək”.

Nazirlikdən bildirilib ki, Andranik Qriqoryan düzgün addım atıb: “Fakt ondan ibarətdir ki, erməni hərbi qulluqçusu könüllü surətdə Azərbaycan tərəfinə keçib. Özü də bunu tək yox, digər hərbçi yoldaşı Mkrtumyanla birlikdə etmək istəyib. Andranik Qriqoryan düzgün edib. Əminik ki, onun kimi hələ çox erməni əsgəri haqq yoluna gələrək doğru qərar verəcək və xalqımızın humanistliyinə inanaraq bizə pənah gətirəcək.

Artıq neçənci dəfədir ki, Ermənistanın əsgəri, adi vətəndaşı Azərbaycan tərəfinə keçir. Hər dəfə belə hadisə baş verdikdə, Ermənistan Müdafiə Nazirliyi gülünc bir bəyanatla çıxış edir. Bu dəfə də belə oldu. Həmin bəyanatlara inansaq, Ermənistanda hər 5 nəfərdən biri ya ruhi xəstə, ya əlil, ya da qatı cinayətkardır. Necə olur ki, Ermənistan ordusunda ancaq əqli cəhətdən zəif olanlar, xəstələr, debillər xidmət edir? Necə olur ki, insanlar “çiçəklənən” Ermənistandan qaçır? Necə olur ki, “qüdrətli” Ermənistan ordusunun əsgəri bizə təslim olur? Necə olur ki, Azərbaycan tərəfinə keçmək istəyən erməni əsgərinin qarşısı “ayıq-sayıq”, “igid” erməni əsgəri tərəfindən alınmır?

 

Xədicə İsmayıl ailə üzvləri ilə görüşdü

25.03.2015 12:04

“Xədicə özünü çox yaxşı hiss edir, əhval-ruhiyyəsi də əla idi. Dostlarına təbriklərini çatdırdı. Dedi “mənim əhvalım yaxşıdır, onlar da yaxşı olsun””.

Martın 24-də həbsdə olan jurnalist Xədicə İsmayılın bacısı Səbinə Rəhimova və bacısı qızı onunla saxlandığı Bakı İstintaq Təcridxanasında görüşüb: “Görüşə icazə verilməsi haqqında Xədicə dünən zəng vurub dedi. Nəhayət görüşməyimizə çox sevindik. Üzbəüz görüşmədik. Təcridxananın qaydalarına görə, Xədicə şüşənin arxasında idi, telefonla danışdıq. Dostları, radio haqqında soruşdu. Dedi ki, məktub yazmaq istəyənlər təcridxananın ünvanına yaza bilərlər, görək nə vaxt çatır”.

Bu, jurnalistin yaxınları ilə ilk görüşüdür. Bundan əvvəl ailə üzvləri görüş üçün bir neçə dəfə təcridxana rəhbərliyinə müraciət etsələr də, nəticəsi olmamışdı.

 

Ərəb şeyxləri Azərbaycana axışır

25.03.2015 14:52

Şahzadə səfərinin məqsədini açıqlayıb.

Martın 23-dən etibarən Dubayın şeyxi Məhəmməd bin Rəşid əl-Məktumun 19 övladından biri – Dubay şahzadəsi Həmdan bin Məhəmməd bin Rəşid Bakıda səfərdədir.

Şahzadə tək gəlməyib onunla birgə 10-15 qohumu paytaxtda səfər edib.

İlk gün şahzadə Bakının görkəmli yerlərini ziyarət edib, şəkillər çekdirib. Dubay şahzadəsi paytaxtdın ən bahalı otellərindən birində gecələyib.

Ertəsi gün o Azərbaycanın regionlarına səfər etməyə başlayıb. Regionlara səfərin məqsədini də şahzadə gizlədməyib, o sosial şəbəkələrdə bildirib ki, dostları ilə Bakıdan kənara ova çıxıb.

Qeyd edək ki, bir müddət öncə ərəb zənginləri üç həftəyə yaxın Mil düzündə - Kür-Araz ovalığının cənub-qərb hissəsində ova gəlmişdilər. Onların arasında keçmiş Qətər əmiri Şeyx Hamad bin Xəlifə əl-Taninin oğlanları və ya Qətərin indiki əmiri Şeyx Tamim bin Hamad əl-Taninin qardaşları olub. Ərəblər iki 6 təkərli “Gelandewagen”, “Range Rover Cabrio” və daha 8 yolsuzluq avtomobilini Bakıya Dubay aviareysi ilə gətirmişdilər.

Ərəb şeyxləri Azərbaycana şahin quşları ilə elə yerli şahin quşlarını ovlamaq, necə deyərlər, “quşu quşla tutmaq” üçün gəlibmiş.

Məlumata görə, ərəb şeyxləri ov zamanı Saatlı rayonu ərazisində, elə Mil düzündə çadırlar quraraq orada qalıblar. Yerli təbiət və sadə kənd adamları zəngin ərəblərə o dərəcədə xoş təsir bağışlayıb ki, onlar burada hətta torpaq sahəsi almaq fikrində olduqlarını da dilə gətiriblər.

Xatırladaq ki, Dubayın şeyxi Məhəmməd bin Rəşid əl-Məktumun 19 övladından biri – Dubay şahzadəsi Həmdan bin Məhəmməd bin Rəşid boş vaxtlarında Fazza ləqəbi ilə şerlər yazır. Gənc oğlanın sərvətinin ölçüsü isə 18 milyard dollara bərabərdir.

 

Azərbaycana tərəfə keçən erməni əsgərin anası danışdı

25.03.2015 19:26

“Sonuncu dəfə evə gələndə ovqatı təlx idi”.

Azərbaycan ordusuna təslim olan erməni əsgər Andranik Qriqoryanın validenyləri danışıb.

Andranikin anası Azadlıq Radiosunun Ermənistan xidmətinə deyib ki, oğlunun hərbi xidmətdə problemləri vardı: “Sonuncu dəfə evə gələndə ovqatı təlx idi. Niyə əhvalın xarabdır sualına isə cavab vermirdi. Hərbi hissənin komandanlığından xahiş etmişdi ki, onu başqa yerdə hərbi xidmətə keçirsinlər”.

Qriqoryan martın 22-də təslim olub. Onun əlində ağ bayraq Azərbaycan mövqelərinə yaxınlaşan videogörüntüləri yayılıb. Erməni tərəfi bu videonu qurama adlandırır.

Qriqoryan Azərbaycanın Xocavənd rayonunun (ermənilər ona Martuni deyir) Berdaşen kəndindəndir.

 

Daha bir erməni əsgəri ölüb

26.03.2015 12:15

Ermənilər daha bir əsgərlərinin ölüm xəbərini etiraf ediblər.

Bu barədə Ermənistanın news.am saytı məlumat yayıb. Məlumata görə, martın 19-da cəbhədə baş vermiş döyüş toqquşması nəticəsində yaralanmış erməni əsgərlərindən biri Samvel Sasunoviç Akopyan ölüb.

Xatırladaq ki, Azərbaycan Müdafiə Nazirliyi martın 19-da cəbhədə baş vermiş döyüş toqquşması nəticəsində müdafiənin ön xəttində yerləşən əsgər və zabitlərimizin düşmənə ağır zərbə vurduğu, 20-dək hərbi qulluqçusunun məhv edildiyi və yaralandığı barədə məlumat yayıb.

 

AST Telmanın məşhur oteli əlindən alınır

27.03.2015 15:35

Otel iyunun 3-də hərraca çıxarılacaq.

Azərbaycan əsilli milyarder Telman İsmayılov Türkiyədə böyük şokla üzləşib.

Ölkə.Az Virtualaz.org-a istinadən xəbər verir ki, “AST Telman”ın atasının adını daşıyan və 1,4 milyard dollara başa gələn, dünyanın ən dəbdəbəli otellərindən olan yeddiulduzlu “Mardan Palace”a Antalya bələdiyyəsi tərəfindən həbs qoyulub və satışa çıxarılıb.

Xəbərə görə, otel Antalya bələdiyyəsinin 4-cü İcra Müdirliyi tərəfindən iyunun 3-də hərraca çıxarılacaq. Borclara görə həbs edilmiş daşınmaz əmlakın satışını təşkil edən icralik.com saytının idarə heyətinin rəhbəri Emrah Özoral bildirib ki, otelin hazırkı bazar dəyəri 650 milyon TL-dir.

 

Deputat: Tarixdəki matəm günləri ləğv edilsin

27.03.2015 17:30

Tez-tez işlətdiyimiz Türk Dünyası termini reallığa uyğun gəlimir. İngilis dünyası var, yəhudi dünyası var, rus və ya çin dünyası var, ancaq Türk dünyası hələ ki, arzu olaraq qalır.

Bu fikirləri millət vəkili Fazil Mustafa Azərbaycan-Türkiyə Evinin (ATEV) Mahmud Kaşğari Türklük Onur Ödülünün təqdimetmə mərasimində səsləndirib. O, türk dünyasının yaranması üçün hələ uzun illərin tələb olunduğunu vurğulayıb:

“Tez-tez işlətdiyimiz Türk Dünyası termini reallığa uyğun gəlimir. Hazırda Dünyada yaşayan türklər var, ancaq türk və yaxud müsəlman dünyası yoxdur. İngilislər və yəhudilər barmaqları ilə sözün məcazi mənasında bu dünyanı fırlayırlar, biz isə firlayan deyilik, fırlananıq. Ona görə də Türk dünyasının yaranması üçün hələ uzun illər çalışmalıyıq”.

 

Saakaşvilinin azərbaycanlı tərəfdarları tutuldu

27.03.2015 18:11

Tiflisdə Gürcüstan Azərbaycanlılarının Tələbə Assosiasiyasının (GATA) sədri Samir İsmayılov saxlanılıb.

Ölkə.Az-ın vesti.az-a istinadla verdiyi məlumata görə, müxalifətdə olan Vahid Milli Hərəkat Partiyasının liderlərindən biri Ramin Bayramov Tiflisdə hüquq-mühafizə orqanları Samir İsmayılovu və onun komandasını saxlaması barədə saat təqribən 01.30-da xəbər tutub. Onlar Tiflisin mərkəzi Vake rayonunda tutulub.

S.İsmayılov Gürcüstan azərbaycanlıları hərəkətinin banisidir. Saxlanılanlar arasında onun həyat yoldaşı, həmçinin Elxan Nabiyev, təşkilatın rəhbəri Aslan Məmmədov, iki fəal Azər Ömər və Tamerlan Məmmədov, eləcə də "Azad zona" aktivisti Aqil Mustafayev var.

Maraqlıdır ki, saxlananlara kiməsə zəng etmək və tutulma haqqında məlumat vermək qadağan edilib. Təbii ki, bu, insanın hüquqlarının açıq şəkildə pozulmasıdır. Onları Daxili İşlər Nazirliyinin mərkəzi binasına aparıb, səhərə qədər orada saxlayıblar.

Ölkə.az