Millimiz Maltaya qarşı
Bu gün “Avro-2016”nın seçmə mərhələsinin H qrupunda V turun oyunları keçiriləcək.
Ölkə.Az-ın qol.az-a istinadən məlumatına görə, Azərbaycan milli komandası da növbəti matçına çıxacaq.
Robert Prosineçkinin rəhbərlik etdiyi yığmamız doğma medyanda Malta ilə qarşılaşacaq. Bu matç xorvatiyalı mütəxəssis üçün millimizdə ilk rəsmi oyun olacaq.
Turnir cədvəlinin sonunca pilləsində qərarlaşan komandamız seçmə mərhələdə keçirdiyi dörd qarşılaşmada xala həsrət qalıb. Millimiz qrupun autsayderlərindən olan Malta ilə görüşdə üç xal qazanmağa çalışacaq. Qələbə sayəsində yığmamız sonuncu pillədən qurtula bilər.
Tofiq Bəhramov adına Respublika stadionunda keçiriləcək oyun saat 21:00-da başlayacaq.
28 mart
“Avro-2016”nın seçmə mərhələsi
H qrupu
21:00. Azərbaycan – Malta
Hakimlər: Halis Özkahya, Cem Satman, Ekrem Kan
Bakı. Tofiq Bəhramov adına Respublika stadionu
Ölkə.Az
