"Germanwings"i endirən pilotun keçmiş sevgilisindən tükürpədici açıqlama

"Germanwings" təyyarəsini endirən alman pilotun keçmiş sevgilisi şok açıqlama ilə çıxış edib.

Ölkə.Az xəbər "Hürriyət"ə istinadən xəbər verir ki, "Germanwings" təyyarəsini Fransanın Alp dağlarında qəsdən endirdiyi deyilən alman pilot Andreas Lubitzin keçmiş sevgilisi tükürpədici açıqlama verib. 27 yaşlı gəncin 150 ​​nəfərin ölümü ilə nəticələnən qorxunc hərəkəti köhnə sevgilisinə veriləm mesaj imiş.

Almaniyanın "Bild" qəzetinə danışan keçmiş sevgili qəza xəbərini eşidər-eşitməz Lubitzin ona keçən il söylədiyi bu sözləri xatırladığını bildirib:

"Bir gün bütün sistemi dəyişdirəcək bir şey edəcəyəm və o zaman hər kəs mənim adımı öyrənəcək və unutmayacaq"

"Nə demək istədiyini heç anlamamışdım, amma indi hər şey ortaya çıxdı. O, içində yaşadıqlarını başqalarından necə gizleyeceğini çox yaxşı bilirdi", - deyə adı açıqlanmayan qadın qeyd edib.

Keçmiş sevgilisi Lubitzi çətin insan olaraq təsvir edib və onu özünü qorxudan şəxsi problemləri və dəyişən davranışları üzündən tərk etdiyini söyləyib. Qadın bildirib ki, gecələr qəzanı xatırladan "Düşürük" qışqırıqları ilə dolu yuxular görür.

Cütlüyün yeddi il birlikdə olduğu və Düsseldorfun ətrafında birlikdə yaşadıqları öyrənilib. Mediada yer alan bir xəbərə görə, onlar nişanlı olub və gələn il evlənməyi planlaşdırıblar. İddialar arasında gənc pilotun qəzadan qısa bir müddət əvvəl sevgilisini yenidən qazanmaq üçün iki lüks avtomobil sifarişi verdiyi, lakin qızın bu təklifini rədd etdiyi də yer alıb.

Fransız televiziyası "iTele" isə gənc pilotun qəzadan bir gün əvvəl nişanlısından ayrıldığı iddiasını ortaya atıb. Kanalın xəbərinə görə, Lubitz təyyarəni saldığı bölgəni 1996-2003 illəri arasında xizək sürmək üçün tez-tez getdiyinə görə çox yaxşı bilirdi.

Rəşid Mustafazadə

Ölkə.Az