"BlackBerry"dən möhtəşəm yenilik

"BlackBerry" 4.5 düyümündə və 1440x1440 ekranı olan "Passport" adlandırdığı yeni telefonunu təqdim etməyə hazırlaşır

Ölkə.Az xəbər verir ki, satışları azalan "BB" bu model ilə yenidən "dirilməyə" çalışacaq.

"BlackBerry" rəsmiləri telefonun yeni funksiyası haqqında açıqlama verərək "Passport" modelinin parametrlərində  xəstəxanalardakı rentgen aparatına bənzəyən bədəni yoxlama funksiyasının olacağını qeyd ediblər.

Şirkətin rəsmi təmsilçisi Doni Halivel qeyd edib ki, telefonun həcmi və ölçüləri "rentgen" funksiyası üçün nəzərdə tutularaq hazırlanıb. O, bildirib ki, "həkim deyiləm, ancaq  xəstəyə dəqiq diaqnoz qoymaq üçün insan bədənindəki problemləri aydın görmək lazımdır. Bunun üçün hər kəs özünün rentgenini çəkə bilməlidir".

Həmçinin qeyd edək ki, "BlackBerry" şirkəti telefon sənayəsində əvvəlki nüfuzunu qaytarmaq istəyir. İyun ayında istehsal etdiyi "Check Portal" sistemi ilə bazarda özünə yenidən yer etməyi düşünən marka, həmçinin "Passport" modeli ilə istifadəçiləri həyacanlandırmağı planlayır.

Gülnar Hüseyn

Ölkə.Az