Politoloq: "Gürcüstanda növbəti etiraz dalğasının yaranması mümkündür"

"Etiraz dalğasının Azərbaycana heç bir təsiri gözlənilmir"

"Saakaşvilinin Gürcüstan siyasətinə qayıtmaq kimi bir niyyəti var. Hazırda sözügedən ölkədə Saakaşvilinin papulyarlığı artmağa başlayıb və sürətli şəkildə böyüyür".

Bu sözləri Ölkə.az-a politoloq Fərhad Mehdiyev son günlər Gürcüstanda baş verən hadisələri şərh edərkən deyib.

"Saakaşvilinin iqtidara qayıtmasının qarşısını alacaq bəzi tədbirləri nəzərə alsaq, Gürcüstanda növbəti etiraz dalğasının olması mümkündür. Bu etiraz isə çox güman ki, tamam fərqli şəkildə olacaq".

Politoloq baş verəcəklərin ölkəmizə hər hansı bir təsir vermə ehtimalından da danışıb.

"Etiraz dalğasının Azərbaycana təsirinə gəlincə, bunun ölkəmizə hər hansı bir təsiri gözlənilən deyil. Bu Gürcüstanda baş verən həm siyasi, həm də iqtisadi məsələlərə aiddir".

Qeyd edək ki, bir neçə gündür Gürcüstanda etiraz dalğasının yarandığı barədə məlumatlar yayılıb. Hazırda Saakaşvilini Tiflisdə görmək istəyənlərin sayında ciddi artım müşahidə olunur. Onun yenidən iqtidara keçəcəyi barədə proqnozlar verilir.

Fatimə İbrahimova
Ölkə.az