Azərbaycan nümayəndə heyəti “UVZ”-də olub

“Azərbaycan Dəmir Yolları” QSC-nin nümayəndələri “UVZ” korporasiyasının direktoru Oleq Sienko ilə görüşmək üçün Nijnitagilskin “Uralvaqonzavod”unda olublar.

Ölkə.Az xəbər verir ki, “UVZ”-nin məlumatına əsasən görüş, 2015-ci ilin mart ayında Azərbaycan dəmir yoluna çatdırılacaq yük vaqonlarının müxtəlif modellərinin çatdırılması barədə imzalanmış müqavilənin realizəsi çərçivəsində keçirilib.

Müqavilənin imzalandığı andan ilk 600 vaqon və 300 sistern üçün nömrələr alınıb. 12-132 model vaqonlar və 15-15-04 modelli sisternlərin ilk buraxılışı hazırlanıb. Artıq iki həftə sonra həmin buraxılış Azərbaycan ərazisində olacaq. Yaxın gələcəkdə qalan modellər üçün nömrələr alınacaq – ümumilikdə 7 növ istehsalat məmulatı mövcuddur.

Oleq Sienko, “Uralvaqonzavod” elmi-istehsalat korporasiyasının direktoru, “Bu sifariş bağlandıqdan sonra, “Uralvaqonzavod” Azərbaycan dəmir yollarına hərəkət tərkibinin parkını böyütmək proqramını təklif etməyə hazırdır”, deyə vurğulayıb.

“UVZ” baş direktoru azərbaycanlı tərəfdaşlar üçün vaqonyığma sexlərinə ekskursiya təşkil edib, vaqonların hazırlanmasının bütün mərhələləri haqqında danışıb və dünyada ən iri rəngləmə-təhvil sexini nümayiş etdirib, sexin uzunluğu 800 metrdir.

Qeyd edək ki, Azərbaycan nümayəndə heyətinin tərkibinə “Azərbaycan Dəmir Yolları” QSC-nin nümayəndələri, Milli Məclisin Energetika, ekologiya və təbii resurslar üzrə Komitəsinin sədrinin birinci müavini, deputat Elton Məmmədov və başqaları daxil olub.

Ölkə.Az