Ekspert: \"7 rayonun qaytarılması məsələsi...\"

Rusiya və Amerika bu məsələyə müdaxilə etməyəcək"

"Məntiqlə yaxınlaşsaq bu bir halda həll oluna bilər ki, iki ölkəni prezidentləri haradasa görüşsün və razılığa gəlsin. O razılıqdan əvvəl də hardasa 3-4 ay işçi qrupu sazişi hazırlamalıdır. Hazırda belə bir iş gözlənilən deyil".

Bu sözləri Ölkə.az-a hərbi eksper Azad İsazadə aprel ayında 7 rayonun Azərbaycana qaytarılacağı barədə yayılan məlumatı şərh edərkən bildirib.

"Bu yaxınlarda Azərbaycan və Ermənistan prezidentlərinin görüşü nəzərdə tutulmayıb. Ona görə, bu məsələ çox da inandırıcı deyil. Yalnız bir halda yaxın vaxta bu məsələ öz həllini tapa bilər ki, Rusiya və Amerika buna müdaxilə etsin. Hazırda Rusiya və Amerika arasında olan vəziyyəti nəzərə alsaq onların buna müdaxiləsi gözlənilən deyil. Çünki Cənubi Qafqaz hər ikisinin maraq çərçivəsindədir. Ona görə də, mən hesab edirəm ki, bu məsələ hələ real deyil".

Qeyd edək ki, media Rusiya Dövlət Dumasının İrəvanda rəsmi səfərdə olan komitə sədri Leonid Slutskinin sözlərindən bu qənaətə gələrək 7 rayonun qaytarılması məsələsini gündəmə gətirmişdi.

Rusiya rəsmisi bildirmişdir ki, aprel ayına nəzərdə tutulan səfər çərçivəsində Rusiya prezidenti Vladimir Putin Serj Sarkisyanla Qarabağ məsələsini dərindən müzakirə edəcək.

Fatimə İbrahimova
Ölkə.az