Lübitz təyyarəni buna görə yerə çırpıb
O pilotun ən böyük qorxusu bu imiş
Ölkə.Az xəbər verir ki, Fransanın cənubunda qəzaya uğramış "Germanwings" aviaşirkətinin A320 təyyarəsini idarə edən alman pilot Andreas Lübitz bir daha uçmamaqdan qorxduğu iddia edilib.
"Bild" qəzetinin verdiyi xəbərə görə, səlahiyyətlilər Lübitz sağlamlıq problemləri səbəbiylə uçuş lisenziyasının ləğv edilməsi və bir daha uça bilməməkdən qorxduğu üçün təyyarəni yerə çırpdığını düşünürlər.
Psixiatrlar isə A320 təyyarəsini qəzaya uğratmaqda şübhəli bilinən ikinci pilot Andreas Lübitzdə bir neçə il ərzində özünəqəsdə meylliliyin olduğunu qeyd ediblər.
Xatırladaq ki, A320 sərnişin təyyarəsinin Fransadakı Alp dağlarına çırpılması nəticəsində ekipaj üzvləri də daxil, 150 nəfər dünyasını dəyişib. İlkin versiyaya görə, Andreas Lübitz əsas pilotun kabinədən müvəqqəti çıxmasından istifadə edərək, qapını arxadan bağlayıb və qəzanı qəsdən törədib.
Rəşid Mustafazadə
Ölkə.Az
