Yəməndə hava zərbələri nəticəsində 29 nəfər ölüb
Aprelin 1-ə keçən gecə koalisiya qüvvələrinin endirdiyi hava zərbələri nəticəsində Yəməndə 29 nəfər ölüb.
Daha 24 nəfər xəsarət alıb.
Hava zərbəsinin Hodeyda şəhərindəki ərzaq məhsulları müəssisəsinin ərazisinə endirildiyi bildirilir. Hadisənin digər təfərrüatları məlum deyil.
Qeyd edək ki, martın 25-dən 26-na keçən gecə Səudiyyə Ərəbistanının və Fars körfəzinin digər ölkələrinin daxil olduğu beynəlxalq koalisiya Yəmənin böyük hissəsinə nəzarət edən şiə üsyançılarına (husilər) qarşı hərbi əməliyyat keçirməyə başlayıb.Apa
Ölkə.Az
