Səudiyyə Ərəbistanı rus təyyarəsinin Yəmənə enişini qadağan etdi

Misirin paytaxtı Qahirənin hava limanında Yəmənə uçuş üçün icazə gözləyən rus təyyarəsinin Sanaya uçuşu qadağan edilib.

Ölkə.az ərəb mediasına istinadən xəbər verir ki, Yəmənin hava məkanına nəzarət edən Səudiyyə Ərəbistanı Rusiya təyyarəsinin bu ölkəyə uçuşuna icazə verməyib.

Qahirənin hava limanından Yəmənə kurs götürən rus təyyarəsinə Səudiyyə Ərəbistanı hərbi hava qüvvələri tərəfindən xəbərdarlıq edilddikdən sonra təyyarə geri Misirə qayıtmaq məcburiyyətində qalıb.

Məlumata görə, Rusiya təyyarəsi Yəməndəki rusları evakuasiya etmək üçün nəzərdə tutulubmuş.

Qeyd edək ki, bu gün yayılan məlumatlarda husilərin tank və ağır silahların köməyi ilə Yəmənin ən böyük liman şəhəri Ədəni ələ keçirdikləri bildirilir. Başda Səudiyyə Ərəbistanı olmaqla ərəb koalisiyasının qüvvələri isə Yəməni bombalamaqda davam edirlər.

Ölkə.az